Prosjektet "Nye norske pærer" skal leggja grunnlag for ny vekst i norsk produksjon av pærer, og utvikla marknaden med nye, gode typar pærer. Hovudvekt blir lagt på den nye sorten Celina.

Prosjektet «Innovative bærprodukter med helseprofil fra norskprodusert svarthyll og tindved» arbeider med å utvikle produksjon av svarthyll og tindved i Sogn og Fjordane, og produkt basert på desse råvarene. Njøs næringsutvikling si oppgåve i prosjektet omfattar sortar, dyrkingsteknikk,  hausteteknikk og oppfølging av felt hos dyrkarar.

I Sogn og Fjordane vert det satsa målretta på å finne nye kulturar som kan vidareutvikle frukt- og bærnæringa i regionen. Fleire artar er no i prøving hos dyrkarar og Njøs næringsutvikling AS.

Njøs næringsutvikling samarbeidde med TINE Fellesjuice og Sognefrukt SA for å utvikla ein premium pærejuice. Produktet var i handelen ei tid, men vart trekt frå marknaden. 

Njøs næringsutvikling medverkar i eit prosjekt for å få sunnare juice saman med Lerum. Sortsmaterialet på Njøs vert gjennomsøkt etter unike eigenskapar. 

Økologisk svarthylldyrking føregår i Fresvik, og Njøs næringsutvikling har utarbeidd ei dyrkingsrettleiing som kan kjøpast for kr 200 ved å senda e-post til post@njos.no 

Njøs næringsutvikling leiar eit prosjekt som skal føra til ein sortsdatabase som er råd å bruka på internett, der deler av den er open for alle. Rocketfarm står for programmeringa av databasen. 

Njøs næringsutvikling tek vare på gamle sortar av frukt og bær for Norsk genressurssenter. Samlingane består av eplesortar, pæresortar, plommesortar, bringebærsortar, jordbær, rips, solbær og stikkelsbær. Frukttrea står i vanleg fruktfelt, det same gjeld rips, solbær og stikkelsbær. Jordbær og bringebær vert oppbevarte i instekttett plasthus om sommaren, på plantelager om vinteren.